fbpx

საგარანტიო პირობები და ვადები ახალ პროდუქციაზე

ზოგადი პირობები:

  1. ახალი კომპიუტერებისა და ტექნიკის, მათ შორის ნაწილებისა და აქსესუარების შეძენა და მიწოდება შესაძლებელია, როგორც ადგილზე შეძენით, ისე ონლაინ.
  2. ონლაინ შეძენის პირობები შეგიძლიათ იხილოთ (პირობები ონლაინ ნივთის შეძენის დროს).
  3. ახალ პროდუქციაზე მოქმედებს 2 წლიანი კანონისმიერი გარანტია.
  4. მეორად პროდუქციაზე გარანტიის პირობები შეგიძლიათ იხილოთ (საგარანტიო პირობები და ვადები მეორად პროდუქციაზე).
  5. შეძენა შესაძლებელია, როგორც ნაღდი, ისე უნაღდო ანგარიშსწორების გზით.
  6. კომპიუტერის შესაძენად საჭიროა შეკვეთის გაფორმება, შეკვეთის გაფორმებისას ღირებულების 20%–ს ბეს სახით იხდით წინასწარ, ხოლო დარჩენილ ღირებულებას წაღებისას.
  7. ახალი კომპიუტერების აწყობა ხდება შეკვეთიდან მაქსიმუმ 24–საათის ვადაში.
  8. შეკვეთის გასაფორმებლად გადახდილი თანხა (ბე), შეკვეთის გაუქმების შემთხვევაში უკან არ ბრუნდება.
  9. გაყიდვისას კომპიუტერის ქეისი ილუქება საგარანტიო სტიკერით, ასევე ნივთის შეცვლისას ქეისი, რომელშიც ხდება ნაწილის შეცვლა ილუქება საგარანტიო სტიკერით, ხოლო მონიტორი ინიშნება ასევე საგარანტიო სტიკერით, სადაც წერია შეძენის თარიღი, საგარანტიო პერიოდის ვადა და ჩვენი მაღაზიის დასახელება.
  10. საგარანტიო პერიოდის ათვლა დაიწყება ნივთის მყიდველისთვის ჩაბარების/შეძენის დღიდან.
  11. შეცვლისას მომხმარებელმა საგარანტიო მოწყობილობა უნდა წარმოადგინოს სრული შეფუთვით და კომპლექტაციით.

 

კანონისმიერი გარანტია

  1. თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
  2. საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
  3. საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
  4. საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
  5. მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

ა) საქონლის შეკეთება ან შეცვლა შეუძლებელია;

ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

  1. მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
  2. მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
  3. მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.
  4. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

 

საგარანტიო პირობები არ ვრცელდება:

  1. საგარანტიო ვადის გასვლის შემდეგ გარანტია უქმდება.
  2. საგარანტიო ვადის გასვლის შემდეგ მაღაზია მთლიანად იხსნის პასუხისმგებლობას გაყიდული ტექნიკის ნებისმიერი სახის დაზიანებაზე.
  3. საგარანტიო პერიოდში გარანტია გაუქმდება იმ შემთხვევაში თუ, მოხდება საგარანტიო სტიკერის დაზიანება. (გახსნილია ქეისი, შეცვლილია, წაშლილია ან გადაკეთებულია სტიკერზე მონაცემები).
  4. საგარანტიო პირობები ასევე არ ვრცელდება თუ:
    პროდუქტი მექანიკურადაა დაზიანებული;
    პროდუქტი დაზიანებულია გარე ზემოქმედების გამო;
    პროდუქტი დაზიანებულია არასწორი ინსტალაციის გამო;
    პროდუქტი დაზიანებულია ექსპლუატაციის პირობების დარღვევის გამო;
    პროდუქტი არაა წარმოდგენილი სრული კომპლექტაციით;
    პროდუქტი გახსნილია მომხმარებლის მიერ (გახსნილია) თვითნებური  შეკეთების  ან  რაიმე  სხვა მიზნით, რამაც გამოიწვია ნივთის დაზიანება;
    დარღვეულია მწარმოებლის მიერ მოწყობილობაზე თანდართული შენახვისა და მოხმარების წესი;
    რაიმე სახით შეცვლილია პროდუქტის ქარხნული იერსახე.
  5. ნივთზე არ იკითხება / ამძვრალია სერიული ნომერი /იმეი კოდი და შესაბამისად შეუძლებელია საქონლის იდენტიფიცირება.
  6. საგარანტიო პერიოდი არ ვრცელდება, ასევე არ ხდება დაბრუნება ან შეცვლა იმ შემთხვევაში, თუ მყიდველი საჭიროდ აღარ მიიჩნევს შეძენილი ნივთის ფლობას, ან შეძენილი ნივთი არ ამართლებს მის მოლოდინს ან სხვა მსგავს მიზეზთა გამო.
  7. გაყიდული ნივთი უკან არ ბრუნდება/არ იცვლება, გარდა ერთი შემთხვევისა – წუნის აღმოჩენის შემთხვევაში, თუ ვერ მოხდა ამ ნივთის შეცვლა იმავე სახისა და მახასიათებლის სხვა ნივთით, მხოლოდ ასეთი შემთხვევის არსებობისას ბრუნდება თანხა.

 

 

 

SHOPPING CART

close